Āsevana

Kusalo dhammo kusalassa dhammassa āsevanapaccayena paccayo—  purimā purimā kusalā khandhā pacchimānaṃ pacchimānaṃ kusalānaṃ khandhānaṃ āsevanapaccayena paccayo. Anulomaṃ gotrabhussa…  anulomaṃ vodānassa…  gotrabhu maggassa…  vodānaṃ maggassa āsevanapaccayena paccayo.

Akusalo dhammo akusalassa dhammassa āsevanapaccayena paccayo—  purimā purimā akusalā khandhā pacchimānaṃ pacchimānaṃ akusalānaṃ khandhānaṃ āsevanapaccayena paccayo.

Abyākato dhammo abyākatassa dhammassa āsevanapaccayena paccayo—  purimā purimā kiriyābyākatā khandhā pacchimānaṃ pacchimānaṃ kiriyābyākatānaṃ khandhānaṃ āsevanapaccayena paccayo.