Vippayutta

Sārammaṇo dhammo anārammaṇassa dhammassa vippayuttapaccayena paccayo—  sahajātaṃ, pacchājātaṃ. (Saṃkhittaṃ.)

Anārammaṇo dhammo sārammaṇassa dhammassa vippayuttapaccayena paccayo—  sahajātaṃ, purejātaṃ. Sahajātaṃ—  paṭisandhikkhaṇe vatthu sārammaṇānaṃ khandhānaṃ vippayuttapaccayena paccayo. Purejātaṃ—  cakkhāyatanaṃ cakkhuviññāṇassa…pe…  kāyāyatanaṃ kāyaviññāṇassa vippayuttapaccayena paccayo; vatthu sārammaṇānaṃ khandhānaṃ vippayuttapaccayena paccayo.