24.9 Jagatikārakattheraapadāna

“Nibbute lokanāthamhi,
atthadassi naruttame;
Jagatī kāritā mayhaṃ,
buddhassa thūpamuttame.

Aṭṭhārase kappasate,
yaṃ kammamakariṃ tadā;
Duggatiṃ nābhijānāmi,
jagatiyā idaṃ phalaṃ.

Paṭisambhidā catasso,
…pe…
kataṃ buddhassa sāsanaṃ”.

Itthaṃ sudaṃ āyasmā jagatikārako thero imā gāthāyo abhāsitthāti.

Jagatikārakattherassāpadānaṃ navamaṃ.