28.6 Potthakadāyakattheraapadāna

“Satthāraṃ dhammamārabbha,
saṃghañcāpi mahesinaṃ;
Potthadānaṃ mayā dinnaṃ,
dakkhiṇeyye anuttare.

Ekanavutito kappe,
yaṃ kammamakariṃ tadā;
Duggatiṃ nābhijānāmi,
potthadānassidaṃ phalaṃ.

Paṭisambhidā catasso,
…pe…
kataṃ buddhassa sāsanaṃ”.

Itthaṃ sudaṃ āyasmā potthakadāyako thero imā gāthāyo abhāsitthāti.

Potthakadāyakattherassāpadānaṃ chaṭṭhaṃ.