Nahetu

Nevasekkhanāsekkhaṃ dhammaṃ paccayā nevasekkhanāsekkho dhammo uppajjati nahetupaccayā—  ahetukaṃ nevasekkhanāsekkhaṃ ekaṃ khandhaṃ paccayā tayo khandhā cittasamuṭṭhānañca rūpaṃ…pe…  dve khandhā. Ahetukapaṭisandhikkhaṇe…pe…  khandhe paccayā vatthu, vatthuṃ paccayā khandhā, ekaṃ mahābhūtaṃ paccayā…pe…  bāhiraṃ…  āhārasamuṭṭhānaṃ…  utusamuṭṭhānaṃ…  asaññasattānaṃ…pe…  cakkhāyatanaṃ paccayā cakkhuviññāṇaṃ…pe…  kāyāyatanaṃ paccayā kāyaviññāṇaṃ, vatthuṃ paccayā ahetukā nevasekkhanāsekkhā khandhā, vicikicchāsahagate uddhaccasahagate khandhe ca vatthuñca paccayā vicikicchāsahagato uddhaccasahagato moho.