Pacchājāta

Ācayagāmī dhammo nevācayagāmināpacayagāmissa dhammassa pacchājātapaccayena paccayo—  pacchājātā ācayagāmī khandhā purejātassa imassa kāyassa pacchājātapaccayena paccayo.

Apacayagāmī dhammo nevācayagāmināpacayagāmissa dhammassa pacchājātapaccayena paccayo—  pacchājātā apacayagāmī khandhā purejātassa imassa kāyassa pacchājātapaccayena paccayo.

Nevācayagāmināpacayagāmī dhammo nevācayagāmināpacayagāmissa dhammassa pacchājātapaccayena paccayo—  pacchājātā nevācayagāmināpacayagāmī khandhā purejātassa imassa kāyassa pacchājātapaccayena paccayo.