Paccanīyuddhāra

Upādāno ceva upādānasampayutto ca dhammo upādānassa ceva upādānasampayuttassa ca dhammassa ārammaṇapaccayena paccayo…  sahajātapaccayena paccayo…  upanissayapaccayena paccayo.

Upādāno ceva upādānasampayutto ca dhammo upādānasampayuttassa ceva no ca upādānassa dhammassa ārammaṇapaccayena paccayo…  sahajātapaccayena paccayo…  upanissayapaccayena paccayo.

Upādāno ceva upādānasampayutto ca dhammo upādānassa ceva upādānasampayuttassa ca upādānasampayuttassa ceva no ca upādānassa ca dhammassa ārammaṇapaccayena paccayo…  sahajātapaccayena paccayo…  upanissayapaccayena paccayo. (Evaṃ navapi kātabbā, ekekassa mūle tīṇi tīṇi pañhā.)