3.3.6 Garudhammajātaka

“Tava saddhañca sīlañca,
viditvāna janādhipa;
Vaṇṇaṃ añjanavaṇṇena,
kāliṅgasmiṃ nimimhase”.

“Annabhaccā cabhaccā ca,
yodha uddissa gacchati;
Sabbe te appaṭikkhippā,
pubbācariyavaco idaṃ.

Dadāmi vo brāhmaṇā nāgametaṃ,
Rājārahaṃ rājabhoggaṃ yasassinaṃ;
Alaṅkataṃ hemajālābhichannaṃ,
Sasārathiṃ gacchatha yena kāman”ti.

Garudhammajātakaṃ chaṭṭhaṃ.