2.3.1.1 Anulomapuggala

»  Yassa kusalā dhammā uppajjanti tassa akusalā dhammā nirujjhantīti? No.

«  Yassa vā pana akusalā dhammā nirujjhanti tassa kusalā dhammā uppajjantīti? No.

»  Yassa kusalā dhammā uppajjanti tassa abyākatā dhammā nirujjhantīti? No.

«  Yassa vā pana abyākatā dhammā nirujjhanti tassa kusalā dhammā uppajjantīti? No.

»  Yassa akusalā dhammā uppajjanti tassa abyākatā dhammā nirujjhantīti? No.

«  Yassa vā pana abyākatā dhammā nirujjhanti tassa akusalā dhammā uppajjantīti? No.