Āhāra

Nahetu dhammo nahetussa dhammassa āhārapaccayena paccayo—  nahetū āhārā sampayuttakānaṃ khandhānaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… . Kabaḷīkāro āhāro—  imassa kāyassa āhārapaccayena paccayo.

Nahetu dhammo hetussa dhammassa āhārapaccayena paccayo—  nahetū āhārā sampayuttakānaṃ hetūnaṃ āhārapaccayena paccayo; paṭisandhikkhaṇe…pe… .

Nahetu dhammo hetussa ca nahetussa ca dhammassa āhārapaccayena paccayo—  nahetū āhārā sampayuttakānaṃ khandhānaṃ hetūnaṃ cittasamuṭṭhānānañca rūpānaṃ āhārapaccayena paccayo; paṭisandhikkhaṇe…pe… .