40.1.8.2 Dussānisaṃsa

Dussāni sugate datvā,
saṃghe gaṇavaruttame;
Aṭṭhānisaṃse anubhomi,
kammānucchavike mama.

Suvaṇṇavaṇṇo virajo,
sappabhāso patāpavā;
Siniddhaṃ hoti me gattaṃ,
bhave saṃsarato mama.

Dussasatasahassāni,
setā pītā ca lohitā;
Dhārenti matthake mayhaṃ,
dussadānassidaṃ phalaṃ.

Koseyyakambaliyāni,
khomakappāsikāni ca;
Sabbattha paṭilabhāmi,
tesaṃ nissandato ahaṃ.