1.3.3 Paṭhamapaṭipadāsutta

Sāvatthinidānaṃ. “Micchāpaṭipadañca vo, bhikkhave, desessāmi, sammāpaṭipadañca. Taṃ suṇātha. Katamā ca, bhikkhave, micchāpaṭipadā? Seyyathidaṃ—  micchādiṭṭhi…pe…  micchāsamādhi. Ayaṃ vuccati, bhikkhave, micchāpaṭipadā. Katamā ca, bhikkhave, sammāpaṭipadā? Seyyathidaṃ—  sammādiṭṭhi…pe…  sammāsamādhi. Ayaṃ vuccati, bhikkhave, sammāpaṭipadā”ti.

Tatiyaṃ.