Hetu

Ajjhattārammaṇo dhammo ajjhattārammaṇassa dhammassa hetupaccayena paccayo—  ajjhattārammaṇā hetū sampayuttakānaṃ khandhānaṃ hetupaccayena paccayo. Paṭisandhikkhaṇe ajjhattārammaṇā hetū sampayuttakānaṃ khandhānaṃ hetupaccayena paccayo.

Bahiddhārammaṇo dhammo bahiddhārammaṇassa dhammassa hetupaccayena paccayo—  bahiddhārammaṇā hetū sampayuttakānaṃ khandhānaṃ…pe…  paṭisandhikkhaṇe…pe… .