3.3 Dvādasapada

Akkharaṃ padaṃ byañjanaṃ,
nirutti tatheva niddeso;
Ākārachaṭṭhavacanaṃ,
ettāva byañjanaṃ sabbaṃ.

Saṅkāsanā pakāsanā,
Vivaraṇā vibhajanuttānīkammapaññatti;
Etehi chahi padehi,
Attho kammañca niddiṭṭhaṃ.

Tīṇi ca nayā anūnā,
Atthassa ca chappadāni gaṇitāni;
Navahi padehi bhagavato,
Vacanassattho samāyutto.

Atthassa navappadāni,
Byañjanapariyeṭṭhiyā catubbīsa;
Ubhayaṃ saṅkalayitvā,
Tettiṃsā ettikā nettīti.

Niddesavāro.