1.4.2.19 Ajjhattātītāniccasutta

“Cakkhu, bhikkhave, aniccaṃ atītaṃ…pe…  jivhā aniccā atītā…pe…  mano anicco atīto. Evaṃ passaṃ, bhikkhave, sutavā ariyasāvako cakkhusmimpi nibbindati…pe…  jivhāyapi nibbindati…pe…  manasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī”ti.