1.2.4.2 Paccanīka

»  Na cakkhu na dhātūti?

Cakkhuṃ ṭhapetvā avasesā dhātū na cakkhudhātu. Cakkhuñca dhātuñca ṭhapetvā avasesā na ceva cakkhu na ca dhātu.

«  Na dhātū na sotadhātūti? Āmantā.

»  Na cakkhu na dhātūti?

Cakkhuṃ ṭhapetvā avasesā dhātū na cakkhu, dhātu. Cakkhuñca dhātuñca ṭhapetvā avasesā na ceva cakkhu na ca dhātu.

«  Na dhātū na ghānadhātu…pe…  na dhātū na dhammadhātūti? Āmantā.

»  Na dhammo na dhātūti? Āmantā.

«  Na dhātū na cakkhudhātūti? Āmantā.

»  Na dhammo na dhātūti? Āmantā.

«  Na dhātū na sotadhātu…pe…  na dhātū na manoviññāṇadhātūti? Āmantā.

(Cakkaṃ bandhitabbaṃ.)

(Yathā āyatanayamakassa paṇṇatti evaṃ dhātuyamakassa paṇṇatti vitthāretabbā.)

Paṇṇattiniddesavāro.