2.3.2.13.9 Sukhasahagataduka

Katame dhammā sukhasahagatā? Sukhabhūmiyaṃ kāmāvacare rūpāvacare apariyāpanne, sukhaṃ ṭhapetvā, taṃsampayutto saññākkhandho, saṅkhārakkhandho, viññāṇakkhandho—  ime dhammā sukhasahagatā.

Katame dhammā na sukhasahagatā? Na sukhabhūmiyaṃ kāmāvacare rūpāvacare arūpāvacare apariyāpanne; vedanākkhandho…pe…  viññāṇakkhandho; sukhañca, sabbañca rūpaṃ, asaṅkhatā ca dhātu—  ime dhammā na sukhasahagatā.