4.1.7 Sambhūtattheragāthā

“Yo dandhakāle tarati,
taraṇīye ca dandhaye;
Ayoni saṃvidhānena,
bālo dukkhaṃ nigacchati.

Tassatthā parihāyanti,
kāḷapakkheva candimā;
Āyasakyañca pappoti,
mittehi ca virujjhati.

Yo dandhakāle dandheti,
taraṇīye ca tāraye;
Yoniso saṃvidhānena,
sukhaṃ pappoti paṇḍito.

Tassatthā paripūrenti,
sukkapakkheva candimā;
Yaso kittiñca pappoti,
mittehi na virujjhatī”ti.

…  Sambhūto thero… .