2.3.10 Duddadajātaka

“Duddadaṃ dadamānānaṃ,
dukkaraṃ kamma kubbataṃ;
Asanto nānukubbanti,
sataṃ dhammo durannayo”.

“Tasmā satañca asataṃ,
nānā hoti ito gati;
Asanto nirayaṃ yanti,
santo saggaparāyaṇāti.

Duddadajātakaṃ dasamaṃ.

Kalyāṇavaggo tatiyo.

Tassuddānaṃ

Susamaññamigādhibhū māṇavako,
Vāripahūtarūpādiccupaṭṭhānā;
Sakaḷāyasatindukapaṅka puna,
Satadhamma sududdadakena dasā”ti.