3.2 Uttamātherīgāthā

“Catukkhattuṃ pañcakkhattuṃ,
vihārā upanikkhamiṃ;
Aladdhā cetaso santiṃ,
citte avasavattinī.

Sā bhikkhuniṃ upagacchiṃ,
yā me saddhāyikā ahu;
Sā me dhammamadesesi,
khandhāyatanadhātuyo.

Tassā dhammaṃ suṇitvāna,
Yathā maṃ anusāsi sā;
Sattāhaṃ ekapallaṅkena,
Nisīdiṃ pītisukhasamappitā;
Aṭṭhamiyā pāde pasāresiṃ,
Tamokhandhaṃ padāliyā”ti.

…  Uttamā therī… .