2.4.10 Sīlānisaṃsajātaka

“Passa saddhāya sīlassa,
cāgassa ca ayaṃ phalaṃ;
Nāgo nāvāya vaṇṇena,
saddhaṃ vahatupāsakaṃ.

Sabbhireva samāsetha,
sabbhi kubbetha santhavaṃ;
Satañhi sannivāsena,
sotthiṃ gacchati nhāpito”ti.

Sīlānisaṃsajātakaṃ dasamaṃ.

Asadisavaggo catuttho.

Tassuddānaṃ

Dhanuggaha kuñjara apparaso,
Giridattamanāvilacittavaraṃ;
Dadhivāhana jambūka sīhanakho,
Haritayava nāgavarena dasāti.