Namo tassa bhagavato arahato sammāsambuddhassa
1.
So, ko; Ne, saṃ;
2.
Satthā, nesaṃ; Khemaṃ, dātā;
3.
Heḷāta-kkāro so; Jantūnaṃ, no mā nu;
4.
So lokandhaṃ, hantvā nakko;
Sattambojaṃ, bodhetā nu.
5.
Jinasūriyo, tibhavanabhe;
Muhatimiraṃ, abhitapaye.
6.
Jeno jinamūle, disvā janakāyaṃ;
Saṃsāranimuggaṃ, sabbaññuta micchaṃ.
7.
Hitvā karupetaṃ, mokkhaṃ paṇidhānaṃ;
Vattesi dayāṇā, yo taṃ muni vande.
8.
Sutāyubhariyā me, dhanaṅgamapi cajjaṃ.
Cinaṃ budhinidāne, agā muniyaṃ metaṃ.
9.
So sasajātiya dehaṃ, cajjiya dānavarañca;
Nāgusabho varasīlaṃ, pūrayi samparicāgo.
10.
Nekkhammaggaṃ rājā hutvā, senabbidvā paññāseṭṭhaṃ;
Vedehindo vīrukkaṃsaṃ, khantīvādī khantīseṭṭhaṃ.
11.
So sutasomo tathagaṃ, temiya dhiṭṭhānavaraṃ;
Ekabhugo mettavaraṃ, lomahasopekkhataraṃ.
12.
Pāramī tidukkarāva, pūriyāna seṭṭhabodhi;
Pāpuṇittha yo ananta-dhammasāradaṃ namāmi.
13.
Pahāya cakkavattikaṃ, karopanīta maddiyaṃ;
Bhusidhare sasenakaṃ, ajeni pāpimaṃ name.
14.
Athuttaraṃ jayākaraṃ, bahūpakārataṃ jino;
Paṭicca nimmisakkhibhi, udikkhate namāmi taṃ.
15.
Caṅkame maruvimati yo, chindayaṃ kami rataniye;
Iddhipāṭihiraṇakaro, cakkhumaṃ tamabhipaṇame.
16.
Atha ratanaghare buddho, chadidhiti janayaṃ saṅkhyaṃ;
Sīmīsā tamabhidhammaṃ yo, suranaramahitaṃ vande.
17.
Nigrodhantika nubbhavī sukhaṃ, dhammaṃ yo vicinaṃ nadhīvaro;
Kicchāladdha manaññabodhiyaṃ, vande taṃ sugataṃ nigrocaraṃ.
18.
Sabbhogehi tha mucalindena,
Nāgindena rahasi pāvutto;
Sokhyaṃ yo nubhavi vimuttiṃtaṃ,
Vande mārāji atulappañño.
19.
Kāruṇiko rājāyatane yo,
Bhoja muḷāraṃ bhojjarasekaṃ;
Vāsa makā nantagguṇadhāro,
Ekagato vandāmi mahesī.
20.
Keyyaṃ keyyaṃ abhijayaketuṃ,
Jeyyaṃ jeyyaṃ varajayapānaṃ;
Peyyaṃ peyyaṃ suvici name taṃ,
Neyyaṃ neyyaṃ samatamupekkhiṃ.
21.
Satta ca sattāhe vijitāvī,
Khepiya nigrodhaṃ puna gantvā;
Dhammasududdasyaṃ pati jāto,
Dhammakathā pposukka vitakko.
22.
Marugaṇehi brahmunā samaṃ,
Ratanadāmameruṇā dadā;
Samabhiyācito paṭissavaṃ,
Dasabalo namāmi desituṃ.
23.
Gantvā isippātakkānanañca,
Satthā migaddāyaṃ desayittha;
Saccappakāraṃ yo dhammacakka-
Suttaṃ name chabbīdhaṃsu tāva.
24.
Rañño magadhassa katappaṭiñño,
Gantvānatha rājagahaṃ vineti;
Satte malarogayute gadaggaṃ,
Pāyetuna taṃ paṇame bhisakkaṃ.
25.
Sakyādhivāse kapile saññatiṃ,
Mānaddhajaṃ bhindiya middhivātā;
Dhammāmataṃ pāyi pituppabhuti,
Vandāmi sakyinda manomadassiṃ.
26.
Anāthapiṇḍoti vhayena nanta-
Ddhanaṃ cajitvā sukate vihāre;
Vihāsi bhiyyo janatā hitatthaṃ,
Sudhammabheriṃ vadayaṃ bhivande.
27.
Upetapuññaṃ varalakkhaṇokaṃ-
Ṇokaṃ visuddhaṃ jalitappadīmaṃ;
Dīpaṃ pajānaṃ anighaṃ navajjaṃ-
Navajjavācaṃ sugataṃ namāmi.
28.
Munibhānu dhammapabhāhi jana-
Mbuja muddhatandhatamo sutapo;
Karuṇāruṇo samabodhayi yo,
Bhavisītalattapano paṇame.
29.
Indu viyambaramajjhatale yo,
Rājati tāragaṇena munindo;
Ariyagaṇapparito tibhave taṃ,
Sādara muggatasobha mavandi.
30.
Mūlāmūlā tiṃsatipāramiyo,
Sākhāsākhā majjhimajjhānakāyā;
Pattāpattā buddhacakkhuni yassa,
Pupphāpupphā kāruṇā maggakhandho.
31.
Sārāsārā yamakā pheggubhiññā,
Sabbālambaṅkurakaṃ sīlavaṇṭaṃ;
Sesādhammā madhupakkapphalāni,
Raṃsīchallī sutacā lakkhaṇāni.
32.
Chāyupagā suṃ puthunaradevā,
Mārajidīpaṅkara mahijātaṃ;
Patthatanantañca kusalabījaṃ,
Ekaruhaṃ pādapamuni vande.
33.
Māratitthiyaripuṃ tamañca yo,
Dhaṃsayaṃ nagaradhamma māpayaṃ;
Sīlanīvaraṇa dvārakoṭṭhakaṃ,
Esikāparamasaddha muttamaṃ.
34.
Dvārapālasuyataṃ satiṭālaṃ,
Ñāṇacaccara sighāṭapadiddhiṃ;
Dhammamaggakuṭisāla sahittaṃ,
Dhammasenapatisārijabhūtaṃ.
35.
Dutiyasutaparohitaṃ mahā-
Dhutaguṇadharamaggha dassikaṃ;
Vinayacinaka dhammarakkhakaṃ,
Tibhavapatika dhammarājiyaṃ.
36.
Sutaṃ sutaṃ sabbadhi sajjanaṃjanaṃ,
Mitaṃ mitaṃ nantaguṇālayaṃ layaṃ;
Hutaṃ hutaṃ jantunamānamaṃ namaṃ,
Bhave bhave tebhavamaṅgalaṃ galaṃ.
37.
Lokābhirāmaṃ ramaṇeyyaveduraṃ,
Lokantaguṃ antubhayānupāgataṃ;
Lokaddhajaṃ mānadhajappahārakaṃ,
Lokaggaruṃ aggaru paccaye name.
38.
Makuṭaggaphalaṃ nayanañcanikaṃ,
Savanabbhusanaṃ vadanabbhusanaṃ;
Galamaṇḍanamiddhi manaññurasaṃ,
Kiriyaññudaraṃ dvikhaṇaññukaraṃ.
39.
Kaṭivibhūsana majjhimaññaṇakaṃ,
Dayavilepana dhāraṇamaṇḍanaṃ;
Paṭakhilaññunivattha manuttaraṃ,
Munimaruttama meka mahaṃ name.
40.
Sativara sucakaṃ ibbhaggapaññaṃ,
Suvīriyavasuvāhaṃ pītiselaṃ;
Gahapatisamathaggaṃ thīpasaddhiṃ,
Asaṇiyasunupekkhaṃ sattabhogaṃ.
41.
Catudisikiddhippada masahāyaṃ,
Suparivutaṃ khattiyavirajānaṃ;
Suciparisaṃ devanara manāpaṃ,
Dasabalacakkādhipati bhivande.
42.
Samādhibbahiddhaṃ saticchaṭṭhaselaṃ,
Virappañcamā jīvamajjhaṃ sukamma-
Ttatiyaṃ suvācādutiyaṃ bhiseṭṭhaṃ,
Samātakkapubbañca sattappavāraṃ.
43.
Vividhañāṇapabhutibbasākaraṃ,
Bahumahiddhika marūna māsayaṃ;
Dhuṃvapabhājalitarāmaṇeyyakaṃ,
Sugatanerunagarāja māname.
44.
Sīlajjalaṃ ratanadhamma mākaraṃ,
Bhiññāviciṃ satikulaṭṭhi gambhiraṃ;
Vitthiṇṇañāṇa mariyodajāsayaṃ,
Aṭṭhambīdhacchariyakaṃ asandanaṃ.
45.
Bahunajjamosaraṇa mekarasaṃ,
Durupaggamaṃ acitasambharinaṃ;
Puthupotapuññavatameva name,
Dvīpaduttamaṇṇava nadindavaraṃ.
46.
Abhiniharadhanuṃ guṇapāramiṃ,
Naḷamatimanabājarahammukhā;
Dhitisamitasarena sudhārayaṃ,
Malama gagaṇa mekapavedanā.
47.
Yo pāvedhesiṃ aggamaggañca tūṇiṃ,
Dhammālaṅkārabbamma mekabbalaṃ taṃ;
Nettiṃsānantañāṇa gīrellimantaṃ,
Sabbaññussāsaṃ iddhidaṇḍaṃ namāmi.
48.
Varatapavuṭṭhi subījakasaddhā,
Matiyuganaṅgala hīrutapīsā;
Susamatharajju satidvijatuttaṃ,
Vīriyadurāvaha saccanidānaṃ.
49.
Vatisaṃvaraṃ soratamocanañcaṃ,
Saraṇā nivattabbahanatthaṃ yassa;
Amatapphalaṃ nekarasehupetaṃ,
Sugataṃ mahākassaka mābhivande.
50.
Devaggo tidasapure varāsane yo,
Devānaṃ janikapabhutinaṃ bhidhammaṃ;
Bālakkova laḷayamācale timāsaṃ,
Desesyā paravisayaṃ name ajeyyo.
51.
Mahāyaso vividhasubhappakāsakaṃ,
Kurūsu yo amitaguṇo tamonudo;
Parappavādahari subhānuyoginaṃ,
Namāmi taṃ kathayi satippaṭhānakaṃ.
52.
Samathakapaliko sasnehasammāsati,
Paramamatiginī savaṭṭiparakkamo;
Sakalajutikaro sudhammapadīpako,
Ima mupajalito jinena namāmahaṃ.
53.
Vigatagatamalaṃ malagatavigataṃ,
Mahita hitamanaṃ manahitamahitaṃ;
Vibhavabhavakaraṃ karabhavavibhavaṃ,
Sujana janaguṇaṃ guṇajanasujanaṃ.
54.
Sīlaggadaṇḍavicitaṃ susamādhipattaṃ,
Sobhāsamujjala manantaga ñāṇasīkhaṃ;
Saddhammaseṭṭharatanañca tilokaketuṃ,
Vandāmi locanabhiseka susobhayuttaṃ.
55.
Vinayanaya manayavinaya manamitaṃ,
Vijayajaya majayavijaya matulitaṃ;
Vibhajabhaja mabhajavibhaja mananakaṃ,
Visamasama masamavisama mabhiname.
56.
Paramarama maramaparama matiguṇaṃ,
Pagahagati magatipagata mamamakaṃ;
Pacayacaya macayapapaya manaṇakaṃ,
Pakatakata makatapakata macalakaṃ.
57.
Ujuka mayanamagge mokkhadesaṃ niyāsi,
Vararathakujarena cammacakkena satthā;
Hiritapadukapālambena dhammassutena,
Satinivarayutena ppāṭihiraddhajena.
58.
Avihananakkhinā suyama nemupakkharā,
Udariyamabbhinā paripuraṅgasaccinā;
Kusalavibhūsinā nimadakupparena yo,
Akharanatesinā gupitasilanandanā.
59.
Anusanughātinā matipurejavena kāla-
Ññutamatisārike na ca visāradatthidaṇḍā;
Satituda dhītirasmi manadammasindhavena,
Vinayagaṇe namāmi ta matulyasatthavāhaṃ.
60.
Yamakkaggijālaṃ paravisaya maccherasahitaṃ,
Dudiṭṭhandhubbāhaṃ yugagahaṇatitthīna makarī;
Bahūnaṃ majjhe yo ratanakamane pāṭihariyaṃ,
Jayakketussāpi ta mabhinami kaṇṭambasamipe.
61.
Nakhajutirajaṃ cakkaṅgopeta pādavarambujaṃ,
Subhasirimato raṃsijālaṅgulidasasaṃsubhiṃ;
Pavarasirasā devādevā sadā na pilandhayuṃ,
Ta mativa manorammaṃ tittīkarā nami yassa ke.
62.
Buddhopyeko nidhanaguṇino vaṇṇaye yāvajīvaṃ,
Kāmaṃ aññaṃ kathamabhaṇa māsuṃ khiyethā yukappo;
Na tvevā yaṃ khaya mupavajje yassa vaṇṇo ananto,
Taṃ sabbaññuṃ sakalarirī nekanāthaṃ namāmi.
63.
Pādidīpādaṃ dvinayanadijaṃ dhammakāyaṃ dhisoṇḍaṃ,
Bhāṇīsoṇḍaggaṃ saraṇasirasiṃ maggāvālaṃ subhaṅgaṃ;
Sīlālaṅkāraṃ vimalibhavu taṃ sattatiṭṭhidhidabbaṃ,
Nāthebhindaggaṃ phalakariṇukaṃ mokkhabhojaṃ namāmi.
64.
Malāloḷullolaṃ atibhayajanaṃ duggasaṃsārasinduṃ,
Phiyabbhāniggāho sivataṭamukho nāvi kajjeṭṭhanātho;
Padappārakkāmaṃ bahujanagaṇaṃ ekamaggattaramhi,
Samāropetvā mattari ta matulasādarañcā bhivande.
65.
Byāmaṃsugghanadhāra makkuḷusatabbhāṇujjalantattanaṃ,
Ukkaṃsajjuti ketumālavicitaṃ saddhammajotindharaṃ;
Bundinniggatapajjalanta didhitiṃ ajjatthanā yāva ca,
Vandetaṃ muni sakyapuṅgava mahaṃ puṇṇinduvattampi ca.
66.
Sattamaṃtamaṃ vināsakaṃsakaṃ dadaṃ vineyyakānameva,
Bhāvanaṃvanaṃ dhulīkaraṃ karaṃ tidukkaraṃ pajābhibhuñja;
Gāravaṃravaṃ manoharaṃharaṃ narānarānayaṃ namāmi,
Sādaraṃdaraṃ vinodakaṃdakaṃ pavassakaṃ pajānamiva.
67.
Buddho nigrodhabimbo mudukaracaraṇo brahmaghoseṇijaṅgho,
Kosacchādaṅgajāto punarapi sugato suppatiṭṭhitapādo;
Mudodātuṇṇalomo athamapi sugato brahmujuggattabhāvo,
Nīlakkhī dīghapaṇhī sukhumamalachavī thomyarassaggasaggī.
68.
Cattālīsaggadanto samakalapanajo antaraṃsappapīṇo,
Cakkenaṅkītapādo aviraḷadasano mārajussaṅkhapādo;
Tiṭṭhantonomento bhayakaramudunā jaṇṇukānā masanto,
Vaṭṭakkhandho jino gotaruṇapakhumako sīhapubbaḍḍhukāyo.
69.
Sattappīṇo ca dīghaṅgulaṃ matha sugato lomakūpekalomo,
Sampannodātadāṭho kanakasamataco nīlamuddhaggalomo;
Sambuddho thūlajivho atha sīhahanuko jālikappādahattho,
Nātho uṇhīsasīso iti guṇasahitaṃ taṃ mahesiṃ namāmi.
70.
Vaṭṭacitānupubbakasubhaṅgulī ruhiramaṭṭhatuṅganakhako,
Nigguḷagopphako samapado sīhosabhibha haṃsasannibhakamo;
Dakkhiṇatāvatakkami samantamaṇḍala nigaṇṭhi jāṇusubhako,
Byañjanapuṇṇaposatanu nābhigambhīra achiddadakkhiṇavaṭo.
71.
Dviradakarappakāsurubhujo suvibbhajanupubbamaṭṭhaanunā-
Nunaalinānupubbarucira ttilādirahitabbisuddhatanuko;
Dasasatakoṭi hatthibaladhāraṇo kanakatuṅganāsikasubho,
Suruhiradantamaṃsatha sucisiniddhadasano tha lokasaraṇo.
72.
Suddhapasādindri ca vaṭṭataradāṭho ruhiroṭṭha ca suranaranātho,
Āyatasobhabbadano tha muni gambhīrujukāyatasuruciralekho;
Byāmapabhāmaṇḍalabundi supuraggaṇṇi ca āyatavisaṭasubhakkhī,
Pañcapasādakkhi ca kuñcikasubhaggapakhumo mudutanuruṇajivho.
73.
Sommasiniddha tyujjalakomala varuṇavimalatanu ca amitaguṇo,
Komala dakkhiṇāvaṭa añjanabhidasarisanilaka mudutanuruho;
Dakkhiṇavaṭṭakomala saṇusamasunila alulita siraruhi jino,
Sobhaṇasaṇṭhāno tha siniddhasiraruhi ca supacitasatakusala jo.
74.
Nigguḷonigganticchattassarisaatisubhagasira cāyatāruci kaṇṇako,
Sosaṇṭhānassaṇhāhārānukamapahutabhamutha suāyatabbhamuko ca so;
Suggandhaggatto muddhicātha vadani ca puthulakanalāṭa āyatasobhaṇo,
Assāsappassāsātissaṇu dharamasamasama nami ketumālavicittakaṃ.
75.
Buddhuppādo kimaṅgaṃ atidulabhataraṃ ghosamattampi loke,
Tasmā nānappakāraṃ saparahitasukhaṃ viddhasū patthayantā;
Yātiṭṭhatthāva haṃ taṃ suranarasaraṇaṃ antarāyappahānaṃ,
Puññakkhettekabhūtaṃ sugatamavirataṃ sādhu vandantu santo.
76.
Khettavaraṅgatatthutipure javapaṇama tejasā idha bhave,
Rogabhayādyupaddavahato anunasukha bhogapuññamatiko;
Devamanussabhogapavaraṃ paratthanubhāvañca antimabhave,
Aññataro tibodhipavare bhavissati yathāsayaṃ katanato.
77.
Puññenānena sohaṃ nipuṇajavamati pemavāco sakhīlo,
Saddho kalyāṇamittotisaraṇagamano sīlavā cāgayogo;
Hirottappī sudakkho avitasucarito dhitimā saccabhāṇī,
Bāhussacci vibhāgi saparahitakaro vaggurāvo bhirupo.
78.
Dīghajjīvi nirogo sucikulapassuto dhammaratto viratto,
Niccāpalyo kataññu atimudujumano sādhubhāvādiviññū;
Dhammājīvo bhaveyyaṃ bahukusalarato appakodho aluddho,
Evañcaññaṃ kareyyaṃ paṇidhi carimake mokkhanibbānabhāgī.
79.
(1) Mahākathaṃ buddhaghoso, tanumeva karaṃapi;
Cajaṃ heyyā diyā deyyaṃ, akarittha yathā tathā.
80.
(2) Mahāpaṇāmaporāṇaṃ, kiñci eva punappunaṃ;
Kāmokkamaṃ dudhārañca, cajaṃ deyyā diyaññattha.
81.
(3) Sutajjaya anubhava-ṭṭhapanatthena lañchinā;
Sutena garunānena, katoyaṃ paṇāmo navo.
82.
(4) Ekakkharāya gāthāyo, yāva chabbisatakkharā;
Jātiya pajjasattatyā, saṅkhato caturādhikā.
83.
(5) Aṭṭhādhikā sahevuyyo- janādīhi midaṃ nataṃ;
Yathāvuttatthakā kāmā, ye niccaṃ dhārayantu te.
84.
Rājātirājātimanoharo yo,
Devātidevātiguṇoghadhārī;
Brahmātibrahmātibhavantagū taṃ,
Saṅghātisaṅghātivirāva vande.
85.
Anaṅganaṅgaṃ naradevadevaṃ,
Aniñjaniñjaṃ bhayatāṇatāṇaṃ;
Anaṇḍanaṇḍañca anāthanāthaṃ,
Khayantayantaṃ paṇamāmi māmi.
86.
Tambasiniddhatuṅganakhako nuṃvaṭṭasucituraṅguli ca muniso,
Sīhusabhobhahaṃsasamago nigūḷasama gopphakāyatamukho;
Komaladakkhāṇāvaṭatanuruho sucimalujjalābhasariro,
Pañcapasādayuttanayano sugandhamukhatuṅganāsikayuto.
87.
Koṭisahassanāgabaliko surattamadharo suvaṭṭadasano,
Āyatasaṇulomabhamūko muduttanukaratta jivhasahito;
Chattasamānasobhaṇasiro sukesavara ketumālavicito,
Iccanubyañjanebhi sahitaṃ munindapavaraṃ namāmi sirasā.
88.
Sakalamalehi so muni sudūratāya ca malāriniṃ hatatayā,
Tibhavarathe samānitamanārakāni ca namālayo naravaro;
Malakaraṇe rahāraha manantañeyya mabhijānanā muni tathā,
Caraṇayuto tivijji ca suvācatā sugamanā janesu sugato.
89.
Lokavidū so nitalokatayatā sākalato asamanaradamā so,
Sārathi jino anusāsanakaro satthavaho dupathataraṇasattā;
Bujjhati sāmaṃ catusaccamakhilaṃ bodhayi jantugaṇamiti ca buddho,
Bhākaraābhāphuṭapaṅkajasamo maggiyañāṇaphuvikasito ca.
90.
Bhaggakileso so bhagavā tibhava vamita gamana sujana bhajanato,
So bhaji saddhamme pavibhatta sarasa chabhagayuta garukaraṇiyato;
Sattanikāye kenapitulyaguṇamapamita sirighaṃnajutisusubhaṃ,
Devanarānaṃ ekapatiṭṭha mavitathutiyasa masaki mabhaṃname.
91.
Buddhuppādo kimmaṅgaṃ bho atidulabhataramidha bhave sughosa mapāparo,
Tasmā patthentā sabbaññuṃ vividhahitasukha manadhikaṃ namantu ca sādhavo;
Puññenānenete diṭṭhe bhayaaghaṃpīḷanaṭṭha virahitā parattha cubho subhe,
Bhutvānante ve hessante avikalasukhasirimatikā anuttara bhāgino.
92.
So cakkopetapādo mudubhujacaraṇo suppatiṭṭhitapādo,
Eṇījaṅgho ca buddho kanakanibhataco āyatapaṇhi nātho;
Kosonaddhaṅgajāto atisudhumachavī jālikappānaheṭṭhā,
Ussaṅkhapādayutto abhinilanayano āyataṅguliyogo.
93.
Ṭhito kho no namanto kirubhayaputhunājāṇuyo āmasanto,
Lomakūpekekalomo samataladasano añjanuddhaggalomo;
Brahmaddehujjugatto aviraḷamukhato sattakaṅgussado so,
Nigrodhappāribimbo migapatihanuko sīhapubbaḍḍhakāyo.
94.
Puṇṇattālīsadanto supahutarasano sobhaṇodātadāṭho,
Saṇhodātuṇṇalomo samavaṭalagalo antaraṃsapiṇo so;
Brahmagghoso munindo punapi gupakhumo uṇhisasamphullasīso,
Bāttiṃsaṅgopasobhaṃ mudurasahaṇī lokajeṭṭhaṃ name taṃ.
Mahāpaṇāma niṭṭhitā.
Namo tassa bhagavato arahato sammāsambuddhassa
1.
Yo dīpaṅkaramūlamhi, padaṃ hattagataṃ caji;
Sammāsambodhi mākaṅkhaṃ, vande tassa siroruhaṃ.
(Pathyāvattagāthā).
2.
Pūretvā bodhisambhāra-mahesaṃ yo anuttaraṃ;
Alattha buddhattaṃ tassa, kesadhātuvaraṃ name.
(Pathyāvattagāthā).
3.
Laddhā buddhattaṃ chaṭhāna-matikkamma pavedayi;
Vimuttiṃ rājāyatane, tassa kesavaraṃ name.
(Rakāra bhakāravipulā pathyāvattagāthā).
4.
Tattha sakkadattiyampi, nāgalataṃ harītakaṃ;
Anotattodakaṃ bhuñji, vande tassa siroruhaṃ.
(Rakāravipulā pathyāvattagāthā).
5.
Tadā muggaselapattaṃ, mahārājūhi dinnakaṃ;
Tathāgato paṭiggaṇhi, vandāmi tassa sīsajaṃ.
(Rakāravipulā pathyāvattagāthā).
6.
Tadā dvinnaṃ dvebhātika-janehi madhupiṇḍikaṃ;
Paribhuñjesi manthampi, tassa sīsasiriṃ name.
(Takāravipulā pathyāvattagāthā).
7.
Yo tapussabhallikānaṃ, tadā dvisaraṇaṃ adā;
Lokamhi sabbapaṭhamaṃ, tassa sīrivahaṃ name.
(Rakāra nakāra vipulāpathyāvattagāthā).
8.
Tadā tatthupaṭṭhakānaṃ, tesaṃ kese adā aṭha;
Lokahita mapekkhanto, nātho yo tassa te name.
(Rakāravipulā pathyāvattagāthā).
9.
Tepi taṃ āhāritvāna, pokkharabbatiyaṃ karuṃ;
Sajīvakesa cetiyaṃ, nametaṃ sabbapubbakaṃ.
(Makāravipulā pathyāvattagāthā).
10.
Uposathuposathamhi, muñcantaṃ nīlarasmiyo;
Bhagavāva lokaatthaṃ, karontaṃ taṃ sadā name.
(Rakāravipulā pathyāvattagāthā).
11.
Cūḷāmaṇidussacetyaṃ, kālamhi bodhisattake;
Buddhakāle idaṃ sabba-paṭhamaṃ taṃ namāmahaṃ.
(Rakāravipulā pathyāvattagāthā).
12.
Namāmahaṃ vandāmahaṃ, pūjemahaṃ siroruhaṃ;
Puññamidaṃ bhavatu me, paccayo āsavakkhaye.
(Takāra nakāravipulā pathyāvattagāthā).
Tigumbacetiyathomanā niṭṭhitā.
Namo tassa bhagavato arahato sammāsambuddhassa
1.
Vuḍḍhopi jinānaṃ, buddhosi vijānaṃ;
Pubboditi māhaṃ, kubbomi vimānaṃ.
(Tanumajjhāgāthā)
2.
Mahāsamatakūlaṃ, narāpavarapūjaṃ;
Jahā abhayapūraṃ, namā kanakarūpaṃ.
(Kumāralalitāgāthā)
3.
Narāsabhasubuddhaṃ, pajāmatanuruttaṃ;
Dayākaramuduttaṃ, namāma ha usukkaṃ.
(Kumāralalitāgāthā)
4.
Hitaṃ vahasusīlo, pamodati sukhatte;
Name tamapabuddhaṃ, jinaṃ gatasukhantaṃ.
(Kumāralalitāgāthā)
5.
Bandhu ca santakileso, yo pitavaṇṇapabhāso;
Gotamagottasuññato, tassa namo narasīho.
(Citrapadāgāthā)
6.
Buddhaṃ suddhaṃ lokesītaṃ, ukkaṃ yuttaṃ yoge haṃ;
Vantātītaṃ oghe sīdaṃ, vandāpīhaṃ sokehīhaṃ.
(Vijjummālāgāthā)
7.
Bhogavatī yopakhamī, sītadayā lokasakhā;
Dhātutaye kitti sa ve, dātu jaye-tassa ca me;
(Māṇavakagāthā)
8.
Mānito lukho rutotha, sannibho subho sukho ca;
Jānito dharo namo ca, tassa yo thuto guṇova.
(Samānikāgāthā)
9.
Jayaṃ dhajaṃ pajāpuge, ṭhitaṃ lilaṃ mahāsukhe;
Subhaṃ phuṭaṃ pabhaṃ name, hitaṃ sukhaṃ dadātu me.
(Pamāṇikāgāthā)
10.
Puṇṇapuññajanitasubhaṃ, jātiñātithutiyaguṇaṃ;
Bhedaveravimalajinaṃ, ñāṇapādacaraṇa-mahaṃ.
(Halamukhīgāthā)
11.
Sati mati suci yo-bhāso, thuti muni sukhito kāyo;
Manujapumasuto nātho, jayavara mu-sabho dāto.
(Bhujagasusugāthā)
12.
Yo buddho pavaro lilo puge,
Lokutto abhayo ṭhito sukhe;
Uttiṇṇaṃ nisabhaṃ hitaṃ vahe,
Monindaṃ vimalaṃ jinaṃ name.
(Suddhavirājitagāthā)
13.
Devindaṃ varagaṇatherindaṃ,
Niṭṭhānaṃ bhavajananibbānaṃ;
Niddosaṃ raṇarajanipphoṭaṃ,
Vande-haṃ subhamukhasoṇṇemaṃ.
(Paṇavagāthā)
14.
Gotamagotte ketuva ñātaṃ,
Lokajakhette meruva jātaṃ;
Thandilajeṭṭhe bheditamāraṃ,
Paṇḍitamajjhe medhiva bhāṇaṃ;
Mantiya vande sevitanāthaṃ.
(Rummavatīgāthā)
15.
Buddho sukko amitaguṇīso,
Yutto mutto sasiva timīto;
Khe yo tejo tapasiva akko,
Phelo theto tava namakāro.
(Mattāgāthā)
16.
Yo jitamāre ve aji sabbaṃ,
Tho mitasāre he-dhitapattaṃ;
Saṃsitapuṇṇo so nami tassa,
Paṇḍitaphullo so matikassa.
(Campakamālāgāthā)
17.
Kanakarūpa mūpameyyakaṃ,
Pavarasūra pūjasevataṃ;
Kamalabhūma dhūradesakaṃ,
Naramarūpa rū name ta-haṃ.
(Manoramāgāthā)
18.
Deve gate dvevārā gamāsi,
Sele cale ye ñātā pacāyi;
Uddhaṃ tale tevāsaṃ akāsi,
Buddhaṃ mate esāhaṃ namāmi.
(Ubbhāsakantagāthā)
19.
Ukke sunutaṃ puthukañca theraṃ,
Vutte sukhumaṃ ujukaṃ tathetaṃ;
Dibbe paṭimaṃ kiriyaṃ vadetaṃ,
Iddhe mahitaṃ kathitaṃ namehaṃ.
(Upaṭṭhitagāthā)
20. Dibbassa pūre pavarehi gutto,
Siddhattha bhūte nagarehi vuṭṭho;
Saṅkassa pūre ma-gaṇehi buddho,
Aññattha pūje paname ni kubbo.
(Indavajirāgāthā)
21.
Subhaṃ thutaṃ yo rajataṃ balatthaṃ,
Yugaṃ hutaṃ so kanakaṃ kamatthaṃ;
Citaṃ ṭhitaṃ lohitakaṃ manāpaṃ,
Lilaṃ itaṃ soraci taṃ namāhaṃ.
(Upendavajirāgāthā)
22.
Pinitaṃ viṇaṃ sakhilaṃ yaji taṃ,
Susukhaṃ dhujaṃ biluvaṃ niyutaṃ;
Ṭhapiyaṃ simaṃ thunutaṃ puthulaṃ,
Nami haṃ khiṇaṃ sukhumaṃ mudukaṃ.
(Sumukhīgāthā)
23.
Sogati bodhayiṃ gāhiya pattaṃ,
Otari sonami jānita atthaṃ;
Bhūpati pūjayi sākiya vaṃsaṃ,
Sūjadhi ūpadhi bhāsita dhammaṃ.
(Dodhakagāthā)
24.
Cattāro-me yācite so pavutthe,
Laddhā bhoge kāmite oghamutte;
Kattā tose-taṃ name colayutte,
Tatthā-loke taṃpate kho padukke.
(Sālinīgāthā)
25.
Sattā-loko sarito yo dhajukkaṃ,
Tatthā-gopo raciyo-noja-muddhaṃ;
Bhaddā-soko-pacito-bho pabuddhaṃ,
Saddhāyogo bhaji so-ho-namuccaṃ.
(Vātompīgāthā)
26.
Ñātamarūnaṃ upari ṭhitānaṃ,
Vālapasūkaṃ huvati jinānaṃ;
Devasuyāmo jinamiti ñāto,
Tena sukhā-bho vinami idā so.
(Sirīgāthā)
27.
Puṇṇakena kusumena sevataṃ,
Kuñjareva thunutena khe gataṃ;
Sundarena nami tena me jayaṃ,
Puññatejakari-dhesa ve dadaṃ.
(Rathoddhatāgāthā)
28.
Mātu āyu khiṇu-ke iha pubbe,
Tāsu sādhu visute-disakucce;
Vāta tāla khaciteni-dha soṇṇe,
‘‘Tāta tāta’’ yaji te-tisa vande.
(Svāgatagāthā)
29.
Upari kamalayoni sobhitaṃ,
Juhati dhavalajoti-dositaṃ;
Sukari ya-matabodhi-mocitaṃ,
Sunami caraṇaloki-dho-rimaṃ.
(Bhaddikāgāthā)
30.
Vane jino yo vinayaṃ supekkhi-maṃ,
Mate ṭhito-bho dijakaṃ dubajjitaṃ;
Aghe-nidho khobhi-taraṃ mune-cchi-daṃ,
Name-bhito bodhimahaṃ lukha-jjhitaṃ.
(Vaṃsaṭṭhagāthā)
31.
Yo jāti-domānī-mupāsi lambi taṃ,
Kodhehi lokehi dubhāsi paṇḍitaṃ;
Pūrepi mūlepi pahāsi diṭṭhikaṃ,
Sabbehi pattehi namāmi icchitaṃ.
(Indavaṃsāgāthā)
32.
Verañjake pūravare vibhūsite,
Nelañjane dūmavane vikūjite;
Khemaṅkare thūlatare vidū site,
Eta-ṅgame pūna name virūpi ve.
(Indavaṃsāgāthā)
33.
Adhunāpi sa sārisuto nimalaṃ,
Tamupāsi matāpi kuto ci nayaṃ;
Karuṇāyi dha yāci budho vinayaṃ,
Garukāpi namāmi su-yo jita-haṃ.
(Toṭakagāthā)
34.
Janavaro muni so sarito vane,
Vasabhato udito-pari gotame;
Gamanaso guṇiko gami-to name,
Nagara-do juti-mo ghatito-sathe.
(Dutavilambitagāthā)
35.
Bhagavati kuṭigāre yo nisinne,
Dhanavati suvisāle-ko isinde;
Ya-malabhi muni lābhe molichinne,
Sa panami juti-māse-to kilinne.
(Puṭagāthā)
36.
Paṭhapita-miccassa sidatu sabbaṃ,
Paṭhami-dha sikkhassa hitasukhatthaṃ;
Pavadiya giddhassa khiṇalukhatthaṃ,
Panami ca kiccassa sikhamukappaṃ.
(Kusumavicittāgāthā)
37.
Nilobhāsi dhūmehi yu-cco vilāse,
Ṭhito cā-bhi bhū tehi rukkho-digāhe;
Yi-to tāni pūrepi luddho dvivāre,
Jino-kāsi pūjemi buddho hitā-se.
(Bhujaṅgappayātagāthā)
38.
Janarame dasasare visālake,
Munivare kuṭighare-riyāpathe;
Dhutatare-subhakathe caji sa ve,
Tatiyake-ta-midha ve ṭhapi name.
(Piyaṃvadāgāthā)
39.
Vesālike tu vasi kātu cātukaṃ,
Te ñāhi tesu labhi-dhā-mukā-mukaṃ;
Negāmikesu bhaji phāsu sā-yukaṃ,
Etā-dhikesu nami-kāsu-dā-tulaṃ.
(Lalitāgāthā)
40.
Vadi suppiyo duvacanaṃ tamato,
Sahi muttiko guṇakathaṃ tathato;
Gami māṇavo durapathaṃ carato,
Nami sādhavo budhavaraṃ paraso.
(Pamitakkharāgāthā)
41.
Yu-pagami vimalo sakhilo tadā,
Yuvavati-pivano rami yo brahmā;
Ekasayi ṭhitato kathi kho guṇe,
Esa nami jina-mo padhi-do-juke.
(Ujjalāgāthā)
42.
Jānaṃ sabbesaṃ desi yo kho-dhimuttaṃ,
Ānandattheraṃ vedito coḷisuttaṃ;
Kāyassammukhe kātuno-lokiyaṃ-se,
Ṭhāna-ssa-ppuge kāruṇo hoti vande.
(Vessadevī gāthā)
43.
Sukathiya majjhimasīla-maparaṃ,
Yu-pacita-metthi-dha cīra-manayaṃ;
Budhayi ca bhajjita-mīṇavataraṃ,
Sunami pavajjita-mīha-mamalaṃ.
(Tāmarasagāthā)
44.
Mahakañhi sīlampi abhāsi kante,
Brahmathandilī mamhi manāpi ramme;
Calakampi gīrampi kadāci ambe,
Varapaṇḍi khīṇampi namāmi taṃ ve.
(Kamalāgāthā)
45.
Mohante jini paṭhame jaye jitāyaṃ,
Soramme isipatane vane nivāsaṃ.
Khobhante kiri sakale vade vilāsaṃ,
Ghoraṃve vinidamane name jinā-haṃ.
(Pahāsinīgāthā)
46.
Divārakaṃ bajanagaraṃ phitaṃ vase,
Nisāya taṃ janagaṇanaṃ ṭhitaṃ mate;
Vijānakaṃ tamajaṭakaṃ sitaṃ vane,
Hitāvahaṃ narapavaraṃ imaṃ name.
(Ruciragāthā)
47.
Racita-maviralaṃ manussa mathā paṇaṃ,
Pasiya tatiyakaṃ catuttha makā sayaṃ;
Karita-madhikataṃ akhubbhamalā sabhaṃ,
Jahitagatiparaṃ panujja namāma-haṃ.
(Parājitāgāthā)
48.
Nagara-majaya-mesa nivasi tha pare,
Mahati sa maṇike sakuṇakujavane;
Yapati vasati ve hitasivavahane,
Surata mubhayame-sita mima paname.
(Paharaṇakalikāgāthā)
49.
Chaṭṭhaṃ vase athu-da tattha vane mune saṃ,
Sabbaṃ dhare makulapabbatake upedaṃ;
Cattaṃ male manuja matthavase sudesaṃ,
Bhattaṃ name lahuka mappa mare dhune taṃ.
(Vasantatilakagāthā)
50.
Nuna upavasati idha tha puna parime,
Sukhaguṇamahati tidasapura ajite;
Yuganuta mavadi vitatha mughatari ve,
Hutathuna manami simada tula mariye.
(Sasikalāgāthā)
51.
Jinapati susumāraṃ bhesakallāvane-saṃ,
Nivasati puthuñāṇaṃ khve-sa nandālaye-taṃ;
Vimala-mi dhu-jukāyaṃ bhedasantāpa-sesaṃ,
Vijaha-pi sukhumālaṃ esamantā name-haṃ.
(Mālinīgāthā)
52.
Mahati sukantiye atha ca tattha sītale,
Vasati kusambiye navamavassa-pī-tare;
Avahi sukha-ntime pajaha-mattha-mī-dha ve,
Panami nudaṃ hine sakalasatthavasaye.
(Pabhaddakagāthā)
53.
Yudhavati pālileyyaka vane pahāya nāge,
Upaṭhahi nāgi-dhe-sa dasame jahāya bāle;
Sukhavasi kāyike ca manake tadāsa sāte,
Yuta-madhi vāhite ca paname payāta māre.
(Vāṇinīgāthā)
54.
Ito patte nāḷe vasati dijagāmepi dasame,
Hitopatthenā-yeka adhiki-dha vādehi vadake;
Vilomatthehā-neka-sahi ṭhita-māghepi samaye,
Viyogatthe-tā-neja-mapi pihavāsehi paname.
(Sikharaṇīgāthā)
55.
Dviadhiki-tare verañjāyaṃ tato dasamaṃ pare,
Nivasi nilake khedaṅghātaṃ karo paramaṃ vane;
Kilami idha ve vehaṅgānaṃ manoramakaṃ vase,
Viraji-sigaṇe medhaṅkāraṃ asokadadaṃ name.
(Hiriṇīgāthā)
56.
Yo sampuṇṇe upari tirase cāliye pabbatepi,
Sobhaṃ phulle suvasi itare kāmite appamehi;
Sāvatthikkenu-da catudase kārite ālayepi,
Kāmo-cchidde tu bhaya muname ñātime dvārakehi.
(Mandakkantāgāthā)
57.
Sakko kappile kariya madake niggaho yoti pañce,
Dakkho kappiye vasidha yamake iddhako bhohi aññe;
Yakkho dabbike damiya nagare soḷase-topi vaṅke,
Aggo-ghattite paciya paname bodhake monipaññe.
(Kusumitalatāvellitagāthā)
58.
Duladdhe pūre yopari ca dasato rājagehaṃ bhajanto,
Tu satte kūle kho kari dha yapato vāsamejaṃ jahanto;
Dumaṭṭhe pūneso ramita-calato ṭṭhārasetaṃ dadaṃ so,
Guṇasse vūpeto namidha karabho kāyakhedaṃ sahanto.
(Meghavipphujjitagāthā)
59.
Cālīye parime tatheva acale-kūnepi vīse lilaṃ,
Bhāgī ce sa hite pageva pavase sūrehi nisevitaṃ;
Kārite ramike pare ca nagare pūrepi vīse imaṃ,
Hārite vasime jahena paname mūlepi khīṇe jitaṃ.
(Saddūlavikkīlitagāthā)
60.
Pañcapañca-mākare tatopi piṇḍakena jetakānane ca,
Aññamañña-mādarena yo nisinnakena te ca māpayeva;
Pubbapubbaārāme payoji-pāsikāya vāramāvasedha,
Suddhasuddha-māmalena poriyātimāya mānasā namesa.
(Vuttagāthā)
Puññenā’nena saṃsāramupadhi suci sappūrise vo paseve,
Tehā dinnaṃ sugāho suciparisaupeto arogo bhaveyyaṃ;
Dīghāyūko mahāpañña yasadhanasulābho ca kalyāṇamitto,
Lokādibbo ca maggo samamatiparivārova nibbānapatto.
(Saddharāgāthā)
Ka.
Nassati sāsane chanavutādhike ca tivise sate kaliyuge,
Dvesatacuddasādhikasahassake sakalaraṭṭhakaṃ khubhi gate;
Bhātikayuddhakena nagaraṃ tadā bhavati chārikā yatigaṇo,
Dukkhagato mahāpaharaṇehi jivitakhayampi eti piṭake.
(Bhaddakagāthā)
Kha.
Udisaka cetyakepi vikiriya nāsati dha so thiro sagaṇato,
Vijahiya purato ttaravaneka kumbhakaragāmakaṃ nivasaye;
Satagaṇakehi tattha janakopi ‘‘bhota idha vāsa sabbayatinaṃ,
Upaṭṭhahamī’’ti tamhi katipāhanaṃ vasati kho vimaṃsiya sukhaṃ.
(Lalitagāthā)
Ga.
Tattha araññe ramito sucari saddhamma-timāni suyatīhi tipīko,
Dhūrasuyutto parigāhiya sujāto supaṭṭhāti kunadita-muyānaṃ;
So satamaccehi kataṃ nagari daṃ tassa ca pācina raha dhikakose,
Paccayanāyāsu da chāyabahuko suddhayatipi idha vasanakāle.
(Tanugāthā)
Gha.
Phagguṇamāse chadine raciya niṭṭhaṃva gato paramari iminā-yaṃ,
Sijjhatu pemaṃ vata rakkhatu sudevo uda vaḍḍhatu jinavacane taṃ;
Vāsamālinī niṭṭhitā.