Hetu

Hetuṃ mahaggatārammaṇaṃ dhammaṃ paṭicca hetu mahaggatārammaṇo dhammo uppajjati hetupaccayā…  tīṇi.

Nahetuṃ mahaggatārammaṇaṃ dhammaṃ paṭicca nahetu mahaggatārammaṇo dhammo uppajjati hetupaccayā…  tīṇi.

Hetuṃ mahaggatārammaṇañca nahetuṃ mahaggatārammaṇañca dhammaṃ paṭicca hetu mahaggatārammaṇo dhammo uppajjati hetupaccayā…  tīṇi. (Saṃkhittaṃ.)

Hetuyā nava, ārammaṇe nava, adhipatiyā nava…pe…  kamme nava, vipāke nava, āhāre nava…pe…  avigate nava. (Saṃkhittaṃ.)