3.4.7 Pathavisandhārakapañha

Rājā āha—

“bhante nāgasena, tumhe bhaṇatha—  ‘ayaṃ mahā pathavī udake patiṭṭhitā, udakaṃ vāte patiṭṭhitaṃ, vāto ākāse patiṭṭhito’ti, etampi vacanaṃ na saddahāmī”ti. Thero dhammakarakena udakaṃ gahetvā rājānaṃ milindaṃ saññāpesi—

“yathā, mahārāja, imaṃ udakaṃ vātena ādhāritaṃ, evaṃ tampi udakaṃ vātena ādhāritan”ti.

“Kallosi, bhante nāgasenā”ti.

Pathavisandhārakapañho sattamo.