1.1.4 Balasutta

“Chahi, bhikkhave, dhammehi samannāgato bhikkhu āhuneyyo hoti…pe…  anuttaraṃ puññakkhettaṃ lokassa. Katamehi chahi? Saddhābalena, vīriyabalena, satibalena, samādhibalena, paññābalena, āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Imehi kho, bhikkhave, chahi dhammehi samannāgato bhikkhu āhuneyyo hoti…pe…  anuttaraṃ puññakkhettaṃ lokassā”ti.