Hetu

Kusalaṃ sahetukañceva na ca hetuṃ dhammaṃ paṭicca kusalo sahetuko ceva na ca hetu dhammo uppajjati hetupaccayā.

Akusalaṃ sahetukañceva na ca hetuṃ dhammaṃ paṭicca akusalo sahetuko ceva na ca hetu dhammo uppajjati hetupaccayā.

Abyākataṃ sahetukañceva na ca hetuṃ dhammaṃ paṭicca abyākato sahetuko ceva na ca hetu dhammo uppajjati hetupaccayā. (Saṃkhittaṃ.)

Hetuyā tīṇi, ārammaṇe tīṇi…pe…  vipāke ekaṃ…pe…  avigate tīṇi. (Saṃkhittaṃ.)

Naadhipatiyā tīṇi…pe…  navippayutte tīṇi. (Saṃkhittaṃ.)

(Sahajātavārampi…pe…  sampayuttavārampi paṭiccavārasadisaṃ.)