25.6 Pattadāyakattheraapadāna

“Paramena damathena,
siddhatthassa mahesino;
Pattadānaṃ mayā dinnaṃ,
ujubhūtassa tādino.

Catunnavutito kappe,
yaṃ dānamadadiṃ tadā;
Duggatiṃ nābhijānāmi,
pattadānassidaṃ phalaṃ.

Paṭisambhidā catasso,
…pe…
kataṃ buddhassa sāsanaṃ”.

Itthaṃ sudaṃ āyasmā pattadāyako thero imā gāthāyo abhāsitthāti.

Pattadāyakattherassāpadānaṃ chaṭṭhaṃ.