2.4.2.3.6 Āsavavippayuttasāsavaduka

Katame dhammā āsavavippayuttā sāsavā? Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, tīsu bhūmīsu kusalaṃ, tīsu bhūmīsu vipāko, tīsu bhūmīsu kiriyābyākataṃ, sabbañca rūpaṃ—  ime dhammā āsavavippayuttā sāsavā.

Katame dhammā āsavavippayuttā anāsavā? Cattāro maggā apariyāpannā, cattāri ca sāmaññaphalāni, nibbānañca—  ime dhammā āsavavippayuttā anāsavā. Āsavasampayuttā dhammā na vattabbā—  āsavavippayuttā sāsavātipi, āsavavippayuttā anāsavātipi.