21.9 Ādhāradāyakattheraapadāna

“Ādhārakaṃ mayā dinnaṃ,
sikhino lokabandhuno;
Dhāremi pathaviṃ sabbaṃ,
kevalaṃ vasudhaṃ imaṃ.

Kilesā jhāpitā mayhaṃ,
bhavā sabbe samūhatā;
Dhāremi antimaṃ dehaṃ,
sammāsambuddhasāsane.

Sattavīse ito kappe,
ahesuṃ caturo janā;
Samantavaraṇā nāma,
cakkavattī mahabbalā.

Paṭisambhidā catasso,
…pe…
kataṃ buddhassa sāsanaṃ”.

Itthaṃ sudaṃ āyasmā ādhāradāyako thero imā gāthāyo abhāsitthāti.

Ādhāradāyakattherassāpadānaṃ navamaṃ.