Āhāra

Upādā dhammo upādā dhammassa āhārapaccayena paccayo—  kabaḷīkāro āhāro imassa upādā kāyassa āhārapaccayena paccayo. (Mūlaṃ pucchitabbaṃ.) Kabaḷīkāro āhāro imassa noupādā kāyassa āhārapaccayena paccayo. (Mūlaṃ pucchitabbaṃ.) Kabaḷīkāro āhāro imassa upādā kāyassa ca noupādā kāyassa ca āhārapaccayena paccayo.

Noupādā dhammo noupādā dhammassa āhārapaccayena paccayo—  noupādā āhārā sampayuttakānaṃ khandhānaṃ noupādā ca cittasamuṭṭhānānaṃ rūpānaṃ āhārapaccayena paccayo; paṭisandhikkhaṇe…pe… . (Noupādāmūlake tīṇi, paṭisandhikkhaṇe tīṇipi kātabbā.)