3.3.14 Vicāralakkhaṇapañha

“Bhante nāgasena, kiṃlakkhaṇo vicāro”ti?

“Anumajjanalakkhaṇo, mahārāja, vicāro”ti.

“Opammaṃ karohī”ti.

“Yathā, mahārāja, kaṃsathālaṃ ākoṭitaṃ pacchā anuravati anusandahati, yathā, mahārāja, ākoṭanā, evaṃ vitakko daṭṭhabbo. Yathā anuravanā, evaṃ vicāro daṭṭhabbo”ti.

“Kallosi, bhante nāgasenā”ti.

Vicāralakkhaṇapañho cuddasamo.

Vicāravaggo tatiyo.

Imasmiṃ vagge cuddasa pañhā.