4.1.5 Sīlavīmaṃsanajātaka

“Natthi loke raho nāma,
pāpakammaṃ pakubbato;
Passanti vanabhūtāni,
taṃ bālo maññatī raho.

Ahaṃ raho na passāmi,
suññaṃ vāpi na vijjati;
Yattha aññaṃ na passāmi,
asuññaṃ hoti taṃ mayā”.

“Dujjacco ca sujacco ca,
nando ca sukhavaḍḍhito;
Vejjo ca addhuvasīlo ca,
te dhammaṃ jahu matthikā.

Brāhmaṇo ca kathaṃ jahe,
sabbadhammāna pāragū;
Yo dhammamanupāleti,
dhitimā saccanikkamo”ti.

Sīlavīmaṃsanajātakaṃ pañcamaṃ.